當年今日

隔牆有耳:
政績「肥佬」 邵善波越做越肥 - 李八方

蘋果日報 2012/10/25 00:00


林鄭月娥一入狼營深似海,做咗政務司司長三個幾月就極速瘦身,冇咗成十幾磅,有幾辛苦可想而知。同樣幫狼英做事,有左王之稱嘅「梁粉」邵善波坐正中央政策組首席顧問之後,唔單止冇減磅,反而繼續發福。噚日佢陪狼英見傳媒高層聽施政報告意見,有傳媒忍唔住話佢肥咗好多,叫佢減肥!八方望落,發現佢比起8月嗰陣真係肥咗啲,塊面明顯脹卜卜;同04年未入政府時更差一個碼。左王聽到人有話佢「肥佬」,笑笑口就當答咗!八方覺得呢啲嘢梗係唔答最好,事關林鄭幫政府救火就越做越瘦、左王身為狼英首席智囊就越做越肥,容乜易畀人話佢冇學林鄭瞓身護主、冇做好呢份工㗎?