近日飲食業市道稍有好轉，連帶酒吧生意亦回升。銅鑼灣耀華街一間樓上酒吧的經理阿菲指，酒吧業有三大旺季，包括萬聖節，聖誕節及除夕倒數，她指今年市道欠佳，雖然上星期起酒吧生意略有回升，但「往年聖誕24、25號嘅booking可能有一半或以上，但現時只有一、兩枱，或唔到三分一。」她預期，今年聖誕生意較去年同期差20%至30%，區選前跌幅更逾40%，區選後雖明顯回升超過10%，但市道並不樂觀。

記者：金敏琍　攝影：麥超億

剛過去的周末happy hour時段，阿菲的酒吧只有七成客，對今年聖誕生意展望，她指往年同期「客人可能開package會開兩個，但今年可能開一個，而且會就住飲，明顯使錢冇咁疏爽，貼士都少咗。」但她承認較9至10月時，近日生意確有好轉，「起碼較上個月已經好啲」，算是好消息。

酒吧賺的是開心錢，社會氣氛差，警察催淚彈放題，加上早前港鐵提早收車都對酒吧業構成沉重打擊，她指留意到市民改變習慣，「往時happy hour有一批客，晚上9時後又有一批吃完晚飯嚟飲酒嘅客人」，但過去半年酒客消費模式亦改變，主要是配合港鐵收車，「佢哋早嚟早走，客人主力happy hour，飲完9點零、10點就走，唔會好似以前咁，食完飯9點零、10點先嚟，一路飲到凌晨2、3點。」

她指，近月「有酒吧weekday做全晚半價，或者做好優惠discount，甚至可能有free flow，只俾一個價錢就任飲」。她指這些招數無助市道，隨時形成惡性競爭，擔心「過咗聖誕同31號，就有結業潮，因為始終呢幾個月都好難捱，大家都好辛苦，我哋暫時冇話cut人手，最希望業主可以減租。」她補充，「𠵱家至年尾係關鍵期，因為就算酒吧想結業，都會想做埋聖誕節同31號。」

另有酒吧東主稱，希望在聖誕及除夕這兩個黃金檔期作最後衝刺，若能錄得高收入，可望彌補之前損失，或積穀防饑，因為每年1及2月都是行業淡季，寄望聖誕可以收復失地，否則便要想到結業問題。他指若政府拿出誠意認真聆聽市民訴求及解決當前政治問題，才有機會解決社會矛盾，令市道可望回復舊觀。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568