Ariana Grande今晚喺香港亞博館開騷，演唱會雖然已經喺9:57完結，開場前大會仲準備咗攤位售賣官方商品，由最貴$1,500嘅黑色jacket，到最平$60有交易嘅黑色口罩應有盡有，不過都係唔夠全面。

開場前有得賣，完騷之後收晒檔啦，頭先趕住入場嘅fans點算？拿，有小販就睇準呢個商機，喺完騷後，就地——喺亞博館會場攤起塊紅布，賣印有Ariana Grande個名同肖像嘅疑似老翻Tee。

雖然呢位小販哥哥有生意頭腦同膽識，不過佢同大部份小販一樣都要「走鬼」，開檔唔夠十分鐘就被趕。