韓國綜藝節目《無限挑戰》主持人盧洪哲8日凌晨爆出醉駕醜聞，當時佢因拒絕接受警方嘅酒精測試而被帶到鄰近嘅醫院進行抽血檢查，報告噚日公開，顯示盧洪哲血液中嘅酒精濃度為0.105%，證實佢當時醉酒駕駛，佢將被罰款同吊銷車牌一年。

盧洪哲8號已表態認衰仔，更宣佈自動退出包括《無限挑戰》等綜藝節目，並向觀眾道歉。

今年4月，《無限挑戰》另一主持Gill同樣因醉駕斷正而退出節目，並暫停一切演藝工作。近日，Gill所屬嘅事務所表示，Gill將回歸所屬嘅HipHop組合Leessang，同隊友Gary及同公司嘅鄭仁等歌手出席下月30及31日嘅家族演唱會，並藉此機會正式復工以及向歌迷道歉。