英國萬人迷碧咸（David Beckham）同Victoria育有三子一女，孻女哈七（Harper Seven）更加係二人嘅掌上明珠，獲父母及三個哥哥錫到燶。

碧咸夫婦不時公開囡囡生活近況，下月滿6歲嘅哈七細細個已學騎馬及芭蕾舞等，哈七亦愛踩滑板車，近日佢由爸爸碧咸陪同外出，於街頭開心踩車，場面溫馨。另一邊廂，碧咸嫂都對有個寶貝女感到自豪，佢於Ig公開囡囡送上嘅大作，上面更寫上：「Dear Mummy and Daddy I love you so much.」認真冧死碧咸嫂。