剛接棒時裝王國的品牌太子爺陳柏熹（Harris），被發現孤零零現身東京街頭，坐在街上最少兩小時。記者致電Harris問他周末為何要獨自在東京街頭？他表示沒有假放，周末先到上海再飛東京，開會工作，他說：「因為2、3年前策劃咗4個項目，而家要實行，所以都要返大陸了解吓進度。喺東京開完會，就趁住自己一個人靜吓，諗吓嘢啫。」

提到香港連月來社會環境動盪，很多行業也受到影響，這位只得32歲的CEO在打理生意是否很有壓力？Harris說：「而家係艱難嘅，不過我冇諗驚，早排有3個月迷惘嘅時間，之前腳趾斷咗導致尾龍骨移位，造成頸椎移位再導致韌帶嚴重拉緊，連情緒都好浮動，一察覺自己有問題，我爸爸都建議我去睇心埋醫生。後來3個月後偶爾去針灸，第一次治療後，心情、食慾、體重全部大增，所以再全面投入工作。」

Harris自言不怕捱：「其實爸爸媽媽喺97金融風暴嘅時候，一次過開15間舖，都可以成功。我覺得只要肯捱、肯觀察同專注，唔怕挑戰，就會過到，做到就會做，唔諗得咁多，機遇嚟到就會把握，其實喺呢半年裏面自己都成長咗好多。」

問到Harris只顧工作，感情世界是否仍然落空？他笑說：「唔係一直落空，只係認唔認真，而家正值人生轉捩點，對伴侶嘅要求又有新嘅睇法，呢個時候先做好工作，人生有使命，對伴侶嘅要求亦都會清楚，相信緣份要嚟就自然出現，唔諗太多。」

採訪：栐仁

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇