當年今日
關於我們

【李八方online】陶君行攞返回鄉證 老婆沒收禁北上

蘋果日報 2017/06/18 00:45

回鄉證陶君行

回歸20年,舖天蓋地都係回歸新聞,未必所有香港人都感興趣,但當做溫故知新,又有唔少樂趣。好似社民連前主席陶君行,曾係反對臨時立法會大聯盟成員,96年仲拉大隊到北京請願,結果被沒收回鄉證,後來佢試過申請2、3次都冇回音,之後索性唔再申請。
八方最近問番阿陶呢件事,原來自去年中共「開綠燈」,發還回鄉證畀民主派,佢今年初都有再申請,中旅社職員仲問佢以前張回鄉卡去咗邊,有冇報失?「我話冇攞過回鄉卡,攞嘅時候仲係回鄉證,但被你收咗,報乜鬼失。你哋同周融講,我哋可以攞番嘛」。最終都申請成功,「不過又畀我老婆收咗,所以都係冇分別」。
事隔逾20年,終於攞番回鄉卡,阿陶第一個感覺係「張相好核突」,亦冇諗過返大陸。佢話申請番張卡,本應係香港人嘅權利,亦有人警告佢,