59歲「舞王」麥德羅曾高調宣佈今年迎娶55歲女友、Big Echo老闆娘劉麗萍（Apple姐），但噚日Apple姐突然喺facebook嗌「分手」，爆seed話麥德羅同個女人有不尋常關係，憤而離家出走。

麥德羅一直聯絡唔到Apple姐，但就透過傳媒話自己係「清白」，指個女人只係癡纏女粉絲，仲大過佢十年八載，但Apple姐都唔係好相信。不過，麥德羅都好努力箍煲，今朝清晨近6點就喺Apple姐facebook留言﹕「我是給人加害。」仲整咗幾個好可憐嘅爆喊emoji，而Apple似乎都因為失戀搞到失眠，秒速就回覆話﹕「請你不要再說謊啦！你的老女人快會將你的醜事揚出來啦！我只是不想再跟你們這亂七八糟的人再拉上任何關係！請不要再傷害我啦！」有朋友就勸麥德羅﹕「麥生，請給她冷靜一吓去處理！清者會自清嗎！」

精選娛聞，喺晒《娛果》 http://fb.com/appledailyent