陸永噚晚喺尖沙咀為時裝派對擔任司儀,同場還有吳雨霏(Kary)同蔡卓妍(阿Sa)嘅緋聞男友、形象顧問馬天佑,佢即場教授大家點樣令衣衫創製出型格風。
問馬天佑知唔知Kary同余文樂拍拖,馬天佑哈哈大笑話﹕「冇傾,唔問私人嘢。」被問到Kary係咪同網球王子分手之後先同樂仔一齊?佢話﹕「發誓新聞之後冇傾過任何嘢,知佢大壓力,好多人追問佢。」
有傳Kary演唱會當晚,樂仔都有到後台,他繼續避談﹕「好多人都喺後台,同佢傳過都喺到,大家都係friend。」咁即係樂仔都喺度啦!
馬天佑話冇酸溜溜感覺,仲大方送上祝福,問佢同阿Sa係咪更開心?佢話﹕「哈,阿Sa同陳生(陳偉霆)就好開心。」