雞排妹鄭家純繼上次拍微電影因為唔可以用番佢習慣嘅體位——女上男下而唔開心，今日佢為泰國驚悚鬼片《我死在去年夏天》(台譯名)宣傳嗰陣，又有少少唔開心……因為，雞排妹走光了。

因為呢部戲係講篋中藏屍，咁雞排妹當然要親身示範一下啦。話說佢著住性感爆乳高校制服現身，一嚟到就呻笨：「雖然之前就知道活動內容，但沒有先試過(塞行李篋)，早知道就不會穿這樣。」果然，雞排妹一瞓低，「安全褲」現晒，就連白色底底都露埋出嚟。

最大問題唔係佢露底，而係「塞唔入」——係，雞排妹係細細粒好易食，但上圍豐滿，要強行塞入30吋行李篋，有啲難度，搞到雞排妹一邊塞入去，一邊大聲呼喊：「這是甚麼世界啊！」之後謂：「塞進去的感覺非常恐怖，因為要把身體凹到一個極致才可能塞進去。」唉，無論你身體點凹入去，但豐滿上圍點都係凹唔到入去0架……