到底班黑客有咩咁厲害？馬化騰表示，佢哋已經識得利用AI神經網絡破解網絡登錄驗證碼嘅技術，而AI技術仲加快咗黑客由企業數據庫中竊取用戶數據嘅速度。
不過，馬化騰就表示，唔會怕佢哋，會利用騰訊嘅大數據，配合公安機關打擊網絡犯罪。馬化騰最後更公開呼籲，中國互聯網嘅安全，已經唔單係騰訊一間公司嘅事情，已經上升到去安全問題，所以每個人都有責任去做一位「鋼鐵戰士」咁話。
不過，講開而講，中國嘅黑客原來已經發展得相當組織化，更加會有師徒制度。
黑客會係QQ群，指導學徒使用黑客技術，例如設置惡意網站偷取個人身份信息或銀行賬戶。學徒經過學習成為職業黑客並會為佢哋師傅工作。完成培訓之前，學徒需要參加多個犯罪任務。發展到咁有規有矩，難怪會令馬化騰都覺得頭痛。