北泰街貨少氣勢勁
雖然話呢個暫時重係個概念,但有朝一日真係「夢想成真」嘅話,相信個價翻一番亦唔出奇。哈動股價上個禮拜去到兩蚊有些少阻力,收市價企喺1.96元,如果可以突破兩蚊呢個水平,真係唔講得笑。
另外,呢排唔知係唔係個市真係錢多過頭,喺啲公司連番批股同埋咁多新股上市下,新股嘅表現都重係咁好,顯示出有唔少資金仍然鍾情於新股,可能係貪佢哋嘅貨源夠晒集中。就好似隻上市唔夠兩個禮拜嘅北泰創業(2339)咁,佢哋喺上市「籌旗」嘅時候,9成係批畀班大戶,只有1成公開發售,就因為貨源集中嘅關係,上個禮拜就一口氣衝到上1.87元水平,有行家話呢隻股嘅走勢十足十之前隻聯華超市(980)咁,耐力同爆炸力都非常唔錯,值得一睇。呢隻股仔嘅PE只係得8倍,如果班大戶用汽車股嘅PE咁炒佢,分分鐘去到2.5元都重有水位。
伏勝