當年今日
關於我們

【黃百鳴賀歲片】周秀娜、陳靜有性感演出 張智霖邊滑雪邊派利是

蘋果日報 2020/01/20 00:00

周秀娜張智霖陳靜張繼聰Chilam家有囍事

由張智霖(Chilam)、張繼聰、周秀娜、陳靜及譚耀文主演的賀歲片《家有囍事2020》,今晚於銅鑼灣JP戲院舉行保良局慈善首映禮。
張智霖指老婆袁詠儀不在港,媽咪會捧場,至於愛兒魔童都會第一次睇爹哋做戲,他說:「佢以前仲細,而家大個咗,先至畀佢睇。」Chilam一家將於農曆年去到北海道滑雪,對老婆早前取笑他的滑雪技術,Chilam笑言:「今次會好啲,因為部戲已經殺青,可以使出真功夫,唔使就住就住。」Chilam表示每逢去到北海道都會碰到好多朋友,所以會袋定利是邊滑邊派。」
張繼聰於今年有兩齣賀歲片上映,另一齣是與甄子丹合作的《肥龍過江》,張繼聰謙虛說:「唔夠膽話自己打自己,應該係Chilam大戰甄子丹,自己只係做番演員本份。」而Chilam表示,應該是黃百鳴大戰王晶。張繼聰表示,與Chilam一樣會去日本旅行。
周秀娜、陳靜在戲中有性感演出,周秀娜表示在戲中會使出不同招數,應付戲中不同的情人,她說:「我同DaDa一剛一柔,我係剛嗰個,戲裏面有兔女郎化妝,自己覺得幾靚,我哋兩姊妹各有特色。」周秀娜表示,新年會在港過年,幫手宣傳賀歲片。另外,陳靜透露,她在戲中面會施展美人計,她說:「自己角色會用一啲小聰明,性感係先天條件。」DaDa在戲中戲飾演護士、兔女郎,她指所有性感服飾都是度身訂造。
empty
empty
empty
empty
empty