阿根廷國腳希古恩加盟祖雲達斯以嚟，都算做順勢，除咗初時被指太肥、冇修身之外，一路以來都可喺隊中起到作用。或者生活無憂，希古恩亦犯上咗唔少足球員嘅錯，就係偷食。原來希古恩曾經喺社交網站，嘗試向一位阿根廷女模特兒索取美臀相，結果反而被女模爆出嚟，將對話公諸於世，都算係自己攞嚟。