唐英年連日來不斷獲重量級政商界人士力挺出戰特首，輿論聲勢上扭轉一直捱打局面，唐營更形容今次是用「原子彈」炸散梁振英的選舉工程。
唐英年更換公關班底後連環出招，不斷追擊今日宣佈參選的梁振英，單在輿論戰上已贏回梁營一仗。唐營中人更揚言梁營之前不斷在背後放暗箭，「放到通街係菠蘿（政治炸彈）」，大大打擊唐的選情；現在他們要用更大力度還擊，「今次係要用原子彈炸散佢哋（梁營）！」

任志剛助唐英年加分

有政界人士認為唐變陣成功，因為唐英年最大優勢是有強勁政商界人脈，不少人公眾形象正面，若利用他們公開挺唐，對提升唐的民望肯定有幫助，「好似任志剛咁，好多市民、中產、專業人士對佢印象唔錯，任總又同唐英年合作過，由佢出面挺唐，點都好過搵嗰班騎呢人大政協！」
但該政界人士認為，唐營新策略是否足以扭轉民望低迷局面，仍要看之後的民調，暫時未能下結論，「始終唐英年之前畀市民覺得佢唔掂嘅印象太深；任總出手救到佢幾多，真係好難講」。他指最重要是唐能否向公眾顯示他的優點，扭轉公眾觀感，「好似話佢有親和力，唔可以用把口講，要俾市民睇到先得」。
早前盛傳前特首、全國政協副主席董建華是梁振英最強勁支持者，更指他可能在今天為梁振英站台，「受害人」董建華昨天反而全程封嘴，拒評是否被擺上枱。《蘋果》記者