名模Jocelyn同丈夫Anthony今日夫妻檔，於中環為佳士得秋季拍賣記者會擔任模特兒，示範總估價達6.9億港元嘅珠寶首飾。

Anthony笑言Jocelyn手上所戴嘅紅寶鑽戒係佢嘅生日禮物，剛剛到過三藩市出席家人婚禮嘅Jocelyn，指兩星期後就係丈夫生日，佢哋將會到新加坡慶祝，並將送上手錶，問佢會否為丈夫生BB做禮物？佢笑言：「依然是兩年後，明年我們都要專注工作，完成工作後，我們生多少個也沒有問題，到時候你們可能會問我何時停止。」Jocelyn表示最近身邊好多朋友都生BB，好戥佢哋高興，將來佢計劃生兩個，並會領養一個年紀較大嘅小孩，將愛分享開去。