【積極造人生夠三個】北川景子被爆秘密睇婦科疑似有咗
蘋果日報 2016/04/26 06:00
蘋果懷孕即時女性自身北川景子DAIGO熊本大地震
北川景子同DAIGO本周五補擺喜酒，仲有傳北川可能有咗。- 佢哋今年1月11日已經註咗冊，仲開記者會分享喜悅。
- 有指話北川去咗睇著名婦科，所以傳出有喜消息。
- 做戲着婚紗就着過好多次，北川大後日終於真正舉行婚禮。
日本女星北川景子今年初下嫁男歌手兼日本已故首相竹下登孫仔DAIGO，佢哋仲會喺今個星期五補擺喜酒。而今日出版嘅八卦雜誌《女性自身》就話，北川被目擊秘密去咗一間星級醫院睇婦科，即被指疑似有咗！
該周刊話北川上星期二坐一架私家車，入咗東京一間星級醫院，而該醫院最著名嘅係婦科，北川喺入面足足留咗三個鐘，有記者問佢所屬事務所佢係咪有咗，北川事務所負責人就話唔係，但又話詳情唔可以講，又話佢只係睇普通醫生，講到懶神秘咁。查實北川同DAIGO宣佈結婚時，都曾透露生B計劃，北川表示會順其自然，但係DAIGO就揚言想生夠3個。
北川同DAIGO原本喺今個星期五擺酒，但係早前發生熊本大地震，日本仍然一片愁雲慘霧。有指身為首相外孫嘅DAIGO曾經想取消婚宴，不過，因為已經發晒喜帖，一切準備好，取消手續費亦都好貴，似乎好浪費，於是決定繼續擺酒，但係取消出嚟見記者嘅環節，同埋唔會招待傳媒，一切低調處理，唔會張揚。DAIGO嘅做法被網民力讚，話佢處理得好好，仲好多人留言祝福佢哋㖭。
該周刊話北川上星期二坐一架私家車，入咗東京一間星級醫院，而該醫院最著名嘅係婦科，北川喺入面足足留咗三個鐘，有記者問佢所屬事務所佢係咪有咗，北川事務所負責人就話唔係，但又話詳情唔可以講，又話佢只係睇普通醫生，講到懶神秘咁。查實北川同DAIGO宣佈結婚時，都曾透露生B計劃，北川表示會順其自然，但係DAIGO就揚言想生夠3個。
北川同DAIGO原本喺今個星期五擺酒，但係早前發生熊本大地震，日本仍然一片愁雲慘霧。有指身為首相外孫嘅DAIGO曾經想取消婚宴，不過，因為已經發晒喜帖，一切準備好，取消手續費亦都好貴，似乎好浪費，於是決定繼續擺酒，但係取消出嚟見記者嘅環節，同埋唔會招待傳媒，一切低調處理，唔會張揚。DAIGO嘅做法被網民力讚，話佢處理得好好，仲好多人留言祝福佢哋㖭。