當年今日
關於我們

結新歡繼續約會舊愛
蘭子挽祁文傑臂彎聽講座

蘋果日報 2002/01/24 00:00


陳淑蘭(蘭子)和前男友祁文傑去年結束三年情,但二人在分手後仍保持良好關係。前晚蘭子竟挽着祁文傑的臂彎,出現尖沙嘴。但蘭子跟祁文傑異口同聲否認舊情復熾,只是二人再見亦是朋友,而友情亦昇華至另一境界。而蘭子的現任工程師男友William昨日在電話訪問表示,他絕對信任蘭子。
陳淑蘭(蘭子)和前男友祁文傑去年宣布結束三年情,導致二人分手的原因是彼此的相處方式出現分歧,他們分手後仍能保持友好關係。
記者前晚接到消息指蘭子和祁文傑出現尖沙嘴鬧市,當時男方雙手插袋,而蘭子則主動挽着他的臂彎。記者抵達現場,蘭子和祁文傑已到了附近的藝人之家。而本月初亦有人曾在機場撞見蘭子獨自駕車往機場接祁文傑機,莫非二人舊情復熾?

維持友好關係
祁文傑昨日在電話中承認,前晚蘭子的確有挽着其臂彎,祁文傑說:「噚晚(即前晚)係佢(指陳淑蘭)拖住我,我哋一齊去藝人之家聽講座,其實我同蘭子好好朋友,平時我都會提醒佢,喺公眾場合唔好蹺住我,俾人影到相有誤會就唔好。」
蘭子昨日在港台主持《娛樂滿天星》,對於跟祁文傑的緋聞,她說:「我哋之間光明正大。如果我同祁生有任何發展,就唔需要有William,最開心係𠵱家有兩個男人都好錫我,William不嬲都好信任我,而我同祁文傑係有緣無分,但關係就昇華去咗另一個境界。」

新歡信任蘭子
蘭子做完節目即駕車往接工程師男友William,William亦在電話中說:「蘭子每次同邊個出街都有話我知,我好欣賞佢處理同前男友呢段朋友關係,點解我唔同蘭子一齊去接機?因為時間好早,我寧願瞓覺。」
採訪:比華利、李珮洳
攝影:娛樂突發組