當年今日
關於我們

【李八方online】藍絲網媒瘋傳不孝90後短片 廣告人徐緣篤爆照稿讀質疑是建制派文宣

蘋果日報 2019/06/24 13:24

建制派facebook梁振英徐緣李八方ONLINE

【新增董之英紀念中學回覆】
最近喺一眾藍絲網媒(包括前特首梁振英689嘅喉舌重地「港人講地」)以及建制派議員之間,瘋傳一條名為「致年青人:你哋冇上街嘅父母根本冇愛過你」嘅影片,片中自稱90後少年着黃衫,特別喺添馬公園以政總做背景錄影,聲稱自己6月9日同16日都有遊行「反送中」,繼而質疑點解現場大部份都係年輕人,啲父母去晒邊?最後想帶出嘅訊息就係唔使孝順父母!唔少人睇完短片都覺得事有蹊蹺,因為無論拍攝背景、內容、時間性,實在太刻意;一條無後台支持嘅片,竟然會獲藍絲陣營青睞,就連《文滙報》都大肆報道,相信大家唔係天真到咁嘅地步啩?而一班家長睇完條片,幾肯定唔會支持仔女抗爭,個目的係咪都幾明顯?
其實「求驗傳媒」Facebook專頁日前已經發帖解構呢段疑似假片,一嚟指呢位聲稱叫「Louis Yuen」嘅男子冇提供任何證據證明有參與遊行,亦冇提供任何個人背景資料,而佢發佈短片嘅FB「Louis Yuen」6月15日先成立,短片則喺6月21日凌晨3點幾發佈,質疑「一個這樣小規模的專頁所發佈的片段,竟然能爆發到近乎所有建制平台都熱播,實在厲害」,話好想知呢位90後係邊位喎。
呢條片嘅原裝版本及後喺專頁已被刪除,但網上仲有好多建制派平台修改後嘅版本。從事廣告多年嘅徐緣都對呢段好假的不孝90後短片睇唔過眼,佢喺Facebook形容喺建制網媒睇到短片後,「睇到背脊標冷汗,既憤怒又心寒」,認為製作呢條短片嘅人心腸好毒,更指建制派文宣若已經進化到寫出呢條片嘅水平,大家絕不能掉以輕心。
之不過呢,有啲嘢又未必咁易過到關。徐緣話呀,如果大家將條片放大集中睇下主角嘅眼珠,就會留意到佢眼球不停來回由左邊掃向右邊,話呢個小動作小細節,瞞唔到佢哋呢啲廣告行內人,睇得出明顯喺度讀稿。佢話短片標題係「致年青人」,但內容根本係「致中老年人」,認為建制今次係想挑動中老年人嘅反感,將不孝嘅厭惡感連繫到整個反建制運動,痛斥製片者「泯滅人性,喪盡天良,為達政治目的,刻意挑撥兩代糾紛」,認為呢段片係建制派為咗選票而喺每個家庭放嘅炸彈,「這是文革時期共產黨爭權奪利所用的人民鬥人民技倆,而這條片,是刻意引發父母去鬥子女」。佢提醒港人文革宣傳手法籠罩香港,係一大警號,呼籲廣告界文案高手各自出力多寫專攻保守淺藍嘅文宣,力抗建制文革式嘅人鬥人洗腦,「建制在播毒,毒害香港。我們出來,幫手消消毒吧!」
網民隨即起底指Louis Yuen疑為仁濟醫院董之英紀念中學的學生,並貼出其全名,《蘋果》根據有關姓名向董之英查詢,校方回覆指,該名學生已畢業多年,不評論有關學生的個人行為。
-----------------------------
民陣G20「Free Hong Kong」集會
日期:6月26日(三)
地點:愛丁堡廣場
時間:20:00-21:00
-----------------------------
登記做選民 7月2日截止
登記方法:
。親身取表填寫及郵遞
。網上登記(可用手機登入,在選舉事務處網頁打開REO-1表格,使用免費手機應用程式Adobe Fill & Sign打開表格,再按指示填寫資料,按儲存文件並以點擊分享,再電郵至 [email protected]
詳情可參閱選舉事務處網頁:
https://www.reo.gov.hk/ch/voter/gcnr.htm
市民可從以下網址查閱選民資格:
https://bit.ly/1PAPC7N
-----------------------------
7月4日起 《蘋果動新聞》只限升級壹會員閱覽
繼續撐蘋果!
https://hk.adai.ly/e/iIRREmuwDX
empty
圖為Louis Yuen(網上截圖)
empty
網民隨即起底,圖疑為Louis Yuen的男子是董之英紀念中學的校友(網上截圖)