(新增影片)

「每次當我揸住太空船，飛到宇宙唔知邊度，你總有辦法令我安全返回地球。」「太太係我人生最好嘅禮物。」劉青雲曾經公開冧太太郭藹明的甜蜜宣言不少。

【屬夜瞓一族】
51歲的凍齡劉太郭藹明向來低調，除了撐老公場，甚少出席公開活動，日前她以代言人身份出席活動，難得接受訪問，親切向《add》透露活動前一晚緊張到失眠。郭藹明，這個能讓劉青雲返回地球的萬能太太，其實本身非常獨立自主，溫柔而有個性，也如劉青雲所講，有講不盡的話題，「前一晚我狂敷面膜，其實我係偏夜瞓嘅，一點幾先瞓，我老公成日叫我一點前瞓，佢早瞓，成日瞓美容覺。」

【騎馬走花步】
1991年香港小姐冠軍、雙碩士畢業，多年來樣貌、身形完全凍齡，眼中只有柯德莉夏萍（Audrey Hepburn）才是真女神，「我冇乜特別秘訣，都係老生常談，例如你要保持心情開朗啦，同埋年紀開始大，運動好重要，都要食得健康。」先講做運動，瑜珈拉筋做weight training之外，原來郭藹明是騎術好手，「以前我有跳欄，係好好玩，而家細膽咗，冇再跳，就會做簡單嘅花步，當然唔係比賽級數，但都好難，因為每個節奏都好細緻。當你騎上隻馬，嗰種人馬合一嘅自由、奔放，同隻馬一齊去跑嘅心情，個人係放得好開，好開心。」煮飯要吃得健康，不時被影到去九龍城街市買餸，中西日韓菜也會煮，剛過去的周末就煮了杞子雲耳蒸雞。

【冇IG戶口】
食玩瞓，除了騎馬，郭藹明也愛看英雄片。「《復仇者聯盟》，我睇晒成個系列，最近睇咗《Marvel隊長》（Captain Marvel），其實我好鍾意睇英雄片、科幻片，同埋《Marvel隊長》係英雄片中，少數女人做主角。」拍《狀王宋世傑》、《足秤老婆八両夫》都是十多年前的事，拍劇復出要講時地人，動力未大到她要放在首位，提議她玩玩現時流行的網紅KOL，卻原來她連各大社交平台的賬戶都冇開。「冇㗎，我全冇㗎，因為我覺得係網絡安全問題，同埋私隱嘅問題，我係希望share with朋友。」

採訪：林妙萍
攝影：周樂恆
攝錄：林德雄、郭賢興
剪片：徐家希

-----------------------------
一書睇曬 4大時裝周、預知秋冬十大潮流，《add 2019秋冬時裝周 》電子精讀本。
點擊即睇： https://hk.adai.ly/hM8BU8dTrV

-----------------------------
追蹤真相 守護公義
免費訂閱支持蘋果 4月10日無阻盡覽
https://hk.adai.ly/PMtkKQIUBV
-----------------------------
動腦Q金像獎周
4月8日-12日 10:30PM
Let’s Q the money！Action！
https://hk.adai.ly/zpCd06PPwV