儘管游伯已一把年紀,但說起他的離世,阿琼還是掩不住內心的悲痛。「始終件事嚟得太突然,伯伯(游伯)一句說話都冇講低就去咗,諗起大家相處呢段日子,我個心就好唔舒服。」三十八歲的阿琼哽咽着說。
與游伯情同父女
游伯與阿琼沒有血緣關係,但兩人卻十分投契,情同父女。「其實我同伯伯都幾有緣,佢原本係我爸爸嘅舊工友,不過大家一直冇交往,直至三年前,我哋喺好偶然情況下見番面,大家先開始有聯絡。」
游伯年輕時曾從事多種行業,七十五歲退休時為酒家收銀員,他為人和藹可親,沒有成家立室,晚年更因遇人不淑,被騙去畢生「棺材本」,弄得三餐一宿亦成問題,最後母子碰上阿琼,孤苦伶仃的他才重新感受人間溫情。
「當時伯伯真係好慘,無依無靠,又唔識得搵人幫,於是我替佢申請綜援、申請長者屋,呢幾年伯伯先叫做安樂啲,點知咁快又唔喺度。」阿琼稱,游伯近大半年的身體愈來愈差,除患上老年癡呆症外,亦因為雙腳乏力多次跌倒,近月更常表示肚痛不適。