當年今日
關於我們

【賢仔call馬】單天保至尊!神仙一樣可以報「囍」(廖浩賢)

蘋果日報 2018/09/06 22:30

蔡約翰神仙友瑩囍廖浩賢賢仔call馬

賽事跑過兩期,係時候作一個溫故知新,賽前揀馬大部份主要靠試閘表現,來判定馬匹狀態機會。
有三匹頭馬賽前大閘一般,「恆駿寶駒」、「乘勝追擊」、「世界紀錄」在泥地閘全程落後,滿以為狀態未夠,誰不知跑落如狼似虎,究竟係中距離馬試短途閘唔夠快出現錯覺?還是甚麼原因?
正所謂先知先覺,總好過唔知唔覺,追查暑期8月中接近兩個星期幾乎日日落大雨,場地濕唔在講,最重要跟跑馬匹,要承受泥頭打面,泥濘場地多窿等不利因素,唔願走屬正常反應。
相反,嘉年華草閘當日天朗氣清,場地可靠,有好走勢嘅馬出賽表現就相對穩定得多,所以話睇試大閘,場地、天氣同埋馬性種種因素,微細節位都需要兼顧。
又到周日(9日)賽事,出馬繼續未滿額,有九匹是禮拜一(3日)朝報名後,唔夠數臨時拉伕加入。
另有七駒是開鑼日(2日)及剛周三(5日)晚跑後匆匆再出,反而這類已熱身馬匹,論狀態、馬房動機都可列入優先考慮之列。
特別着意一提,今次(9日)賽事「友瑩囍」及「多多勁驥」賽前曾經試兩課大閘,工夫在今次出賽馬中最積極,尤其蔡約翰全日獨出一匹「友瑩囍」,名氣馬又豈會陪跑咁簡單。
empty
友瑩囍