好似香港城市大學喺今個星期四頒發榮譽博士學位既幾位人兄當中，其中有兩位就係資訊科技界鼎鼎大名既大人物，包括Google前大中華區總裁李開復（圖），同埋全球最大筆記型電腦代工生產商廣達既老闆林百里。
李開復自從上年辭職唔做Google之後，自己就搞咗間叫創新工場嘅公司，專門幫喺I.T界創業打天下嘅後生仔，為佢哋提供資金同埋支援服務。而今年已經61歲嘅林百里，啱啱抗癌成功，但係仲未言退，繼續幫公司開發緊新技術，呢種魄力真係唔講得笑。呢兩位專家將分別喺11月12日及10日喺城大演講，各位可以把握機會去學吓嘢啦！
李華華