日本V6成員岡田准一近日傳來結婚喜訊，本該在平安夜當日寄到俾fan club會員嘅聖誕卡，內有岡田准一嘅結婚報告，雖然冇提到新娘名字，但相信就係同佢拍拖多時兼已同居嘅著名女星宮崎葵。

六年前失婚嘅宮崎葵一直被指會再婚嫁岡田，二人又不止一次斷正被發現拍拖外出，去年12月更有人目擊岡田拖宮崎葵到三重縣嘅伊勢神宮參拜，繼而傳出二人為婚前作準備。

昨晚，網上開始瘋傳岡田提前寄到部分粉絲嘅結婚通知，近年同門嘅國分太一、長野博都係以同一方式向歌迷報告婚訊，岡田亦將係第三位成為人夫嘅V6成員。

截至今早，尊尼事務所尚未回應岡田嘅娶妻傳聞，今年初已有傳媒指二人為拉埋天窗，今年初已傳出興建五億日圓（約3,450萬港元）愛巢。

更多娛聞，喺晒《娛果》
http://fb.com/appledailyent