【好有愛】人哋度假去攬女 利華中場義助流浪犬
德甲流浪狗利華古遜馬略卡島奇雲甘普Vanessa Frick
馬略卡島、伊比薩島等西班牙小島,嚟緊一、兩個月可能瘋狂出現喺大大小小體育新聞,因為佢哋都係球星度假勝地!不過,呢邊廂大把球星都係攬女遊船河、開P狂歡咁,利華古遜中場奇雲甘保爾同女友Vanessa就唔係咁諗,趁早前喺馬略卡島度假期間慷慨解囊,幫助流浪狗!
同樣身為「毛孩」主人嘅奇雲甘保爾表示:「我哋喺島上見到好多瘦弱嘅流浪狗,於是萌生幫助佢哋嘅念頭。Vanessa搵到一間收容所,於是我哋揸車去寵物店買狗糧。」雖然所費250歐元(約2,200港元)對奇雲甘保爾嚟講濕濕碎,但呢份愛心一樣好難得!