入行五十四年喺樂壇教父顧嘉煇，今日就喺紅館舉行「顧嘉煇榮休盛典演唱會」，喺演唱會嘅場刊上面，就有煇哥嘅榮休感言，仲有一啲嘉賓，好似張敬軒、汪明荃、葉麗儀、關菊英同鄭少秋等等對煇哥嘅感受。

而喺演唱會開始前，煇哥就坐咗喺VIP席，方逸華小姐仲行咗去同煇哥一齊坐。喺8點27分，煇哥著住「踢死兔」同音樂指揮同徐日勤喺台中間升出嚟，煇哥雖然行得好小心，但都好精神，仲同觀眾揮手。

之後大會就播咗條片，係煇哥嘅致詞，佢就話：「好多謝大家今晚嚟到演唱會，我想做一啲未做過嘅嘢，想做主持，但因為平時講嘢都唔叻，所以錄定片先。」