阿傑人生的轉捩點始於九歲，遠比一般人要來得早。那年，潛伏在他腦袋的腫瘤突然爆裂。「當時太細個，唔係好記得發生乜事，只係知道喺屋企暈咗，跟住被送入醫院做開腦手術，醫生話我部分腦細胞死亡。」當時就讀小四的阿傑，整個學年都要休學養病，然而年紀小小的他已經養成一副「唔輸得」的性格，憑着自修直升小五。
腦部曾做三次手術
由於腦部受損，令阿傑患上羊癇症，經常抽筋，差不多每月都要入院治療，其間更曾出現半身不遂，不足一年之後，醫生建議再做一次腦部手術。
「到咗中四嗰年，因為抽筋愈嚟愈犀利，醫生話我部分腦細胞太過活躍，所以又再做多一次手術割除嗰啲細胞，呢次已經係第三次。」阿傑淡淡說出其聽來令人不寒而慄的病歷。
受盡病魔折騰的阿傑，由於藥物副作用令其手顫，書寫速度緩慢，以致兩次會考成績未如理想，惟獨英、數兩科及格，阿傑不諱言若非時間不足，數學更有信心「坐B望A」。
其後，阿傑靠着傷殘津貼及向友人借錢，得以修讀香港大學及理工大學的初級及中級會計校外課程，積極提升自己的知識水平。