亞洲電視於2016年熄燈，至去年 初復活重啟，最初聲勢浩大，翻炒過往高收視節目，例如《百萬富翁》及復辦亞洲小姐選舉，可惜新任亞姐誕生同時，亞視過去一年走勢動盪，屢傳再次熄燈倒閉，製作買少見少，年度選美盛事更未見蹤影，香港區冠軍梁雪瑤、季軍林孜沫及最上鏡小姐李芷菱卸任在即，隨時成為末代亞姐，三人期侍新一屆亞姐出現，令她們承接師姐身份。

過往一年在任期間，亞姐獲安排不同工作，冠軍梁雪瑤說：「都學咗好多嘢，拍節目、錄音、點咬字等，開心同享受工作，一直都想成為藝人，而家好開心，之後可能會代表公司去參加海外選美。」並有意向歌唱事業發展，將會參與公司舉辦粵港澳大灣區歌唱比賽。林孜沫則被安排往返內地當司儀主持等工作為主，對她而言最大得着是學好廣東話，不再因半鹹淡發音被取笑。近日三位亞姐合作新飲食節目《Yummy飪咪》示範下廚。

相對亞視風光年代歷代亞姐，今屆亞姐的確工作量不多，收入自然成為顧慮，梁雪瑤說：「呢個行業嚟計我哋算係咁，起碼夠使，有畀家用屋企人。」林孜沫說：「公司有安排工作，唔覺好辛苦。」外界批評留在亞視發展星途黯淡，三人當選後和公司簽了三年合約，不憂慮前景問題，梁雪瑤說：「命裏有時終須有，命裡無時莫強求，有啲際遇冇得強求，相信公司會安排到我哋有好發展。」季軍林孜沫則說：「知道自己進步同學習中，將來會有結果，唔一定立刻睇到。」兩人立下目標，希望30歲前事業有成，林孜沫笑說：「若到時冇乜成績就要睇吓點，可能結婚生仔。」並歡迎香港男士追求。

6月到了，新一年亞姐選舉消息仍未明朗，梁雪瑤表示：「有聽過公司消息，內地同台灣賽區開始緊，香港賽區可能會稍後公佈，我哋期待新血加入公司，你見公司人氣都唔係好多，吸納多啲新血，對宣傳會有大幫助。」面對亞視殘局，會否擔心成為末代亞姐？林孜沫說：「唔擔心，我哋冇聽過話唔搞，只係時間問題啫。」梁雪瑤說：「唔擔心公司情況，雖然內部有發生變化，公司有一定節目籌備中，陸續有新節目推出，即使成為末代亞姐都覺得幾好，呢個身份幾特別，自己係末代會考生，末代A-Level生出嚟，成為復辦第一屆亞姐冠軍好特別，又可以有成長身份，帶領新血。」梁雪瑤從不後悔由港姐轉戰亞姐，並說：「覺得冇揀錯，人生路自己行出來，自己係獨特一位，新亞視開台復辦第一屆亞姐，夠特別同光榮。」

三位亞姐當選後由陌生人進展成好姊妹，互相了解和照應，回想選美時趣事樂在其中，林孜沫因參選壓力大導致體重急降，現時要大力增肥，梁雪瑤自認為最為食佳麗，她說：「佢好勤力，好堅定，我好為食，要戒口好辛苦，但食完就會覺得好慚愧。」

採訪：卓寶花
攝影：林賓尼

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9