中環在線：
滙豐搵方太教P2P過數 - 李華華
蘋果日報 2017/09/25 05:20
匯豐方太
揸開鑊鏟嘅方太喺廣告改揸手機，教用聲線同指紋過數。滙豐fb圖片
近年銀行廣告多花款，好似渣打同DBS都分別搵過Sammi同子華神拍廣告，喺facebook賺咗唔少like。最近就連比較守舊嘅滙豐都有新搞作，搵來教煮餸嘅方太sell P2P過數，雖然只有短短60秒，但又幾入腦喎！
滙豐廣告一向都係正正經經，就算請到Sammi同子華，相信好大機會都只係銀行職員同客戶之間嘅角色扮演。今次佢搵方太真係有驚喜。
滙豐廣告一向都係正正經經，就算請到Sammi同子華，相信好大機會都只係銀行職員同客戶之間嘅角色扮演。今次佢搵方太真係有驚喜。
示範用Siri指紋功能
方太喺呢個網上廣告繼續一身煮飯look，本來以為冇乜特別，但睇埋落去原來佢完全冇開過爐，反而係揸開鑊鏟嘅方太轉揸iPhone，示範用Siri經滙豐轉賬易P2P過數畀阿女，又真係估你唔到。
P2P過數推出無耐，雖然係新科技，但都唔算難用。學方太話齋，要成功用Siri過數，材料都只不過係你「溫柔嘅聲線同手指指紋」。方太今年究竟芳齡幾多？相信係一個謎。不過，就連阿媽嗰輩都已經睇佢揸鑊鏟揸咗幾十年，如果方太都識用Siri P2P嘅話，阿媽都冇藉口唔識啦。
滙豐都話，今次邀請方太拍廣告，主要都係因為方太好入屋，大家由細睇到大。由方太把口講出：「唔單止廚房嘅醬，就連銀行嘅賬，都一定搞得掂。」的確係幾有新「煮」意。
P2P過數推出無耐，雖然係新科技，但都唔算難用。學方太話齋，要成功用Siri過數，材料都只不過係你「溫柔嘅聲線同手指指紋」。方太今年究竟芳齡幾多？相信係一個謎。不過，就連阿媽嗰輩都已經睇佢揸鑊鏟揸咗幾十年，如果方太都識用Siri P2P嘅話，阿媽都冇藉口唔識啦。
滙豐都話，今次邀請方太拍廣告，主要都係因為方太好入屋，大家由細睇到大。由方太把口講出：「唔單止廚房嘅醬，就連銀行嘅賬，都一定搞得掂。」的確係幾有新「煮」意。