【愛在疫情蔓延時】41歲彭懷安娶圈外女友 禁聚令下僅19人出席婚禮
蘋果日報 2020/04/19 10:58
結婚彭懷安
社交網圖片- （社交網圖片）
- Eddie昨日娶老婆（社交網圖片）
- 禁聚令下，僅19人出席婚禮。（社交網圖片）
41歲彭懷安（Eddie）昨日和圈外女友Ivy結婚，他在社交網公佈喜訊：「簡單、莊嚴，並帶着快樂的心情，與你正式踏入人生另一階段，我愛你#加入人夫行列#咁就結咗婚 #彭生彭太新婚生活」
他在社交網貼上婚照，一對新人沒有跟傳統着黑色西裝和白色婚紗，Eddie並留言：「點解簡單儀式都咁攰，疫情關係只能招待親人，擺酒嗰日早啲到，今晚我想早啲瞓，謝各位祝福。」由於疫情關係，加上禁聚令，只有19人出席婚禮，兩人昨日沒有接新娘儀式，擺酒都是另擇吉日。
在禁聚令下舉行婚禮，新任人夫Eddie接受《蘋果》電話訪問說：「其實上年plan咗今日簽紙，原本會請多啲朋友，但因為疫情關係，禁聚令婚禮只可以20個人之內，無可奈何都要跟足法例，所以好多朋友都嚟唔到，佢哋都明白，送上衷心祝福，擺酒睇吓年尾擺唔擺到，疫情過後再安排。噚日自己心情好平和，好開心，都有啲緊張，儀式前問律師戒指戴邊隻手，佢話左手，戴之前都諗吓邊隻係左手。」問到生B計劃，他笑說：「暫時都唔會，因為太太訂咗套衫，嗰套衫係唔會改鬆啲住，所以短時間內唔會生B。」