當年今日

寶詠琴爆前夫與羅姓女星情史
羅明珠認與大劉相識多年

蘋果日報 2002/03/28 00:00


已全職投入香薰傳銷生意的羅明珠,前晚偕同友人出席仁濟周年慈善晚會。對於昨日有報道,寶詠琴大爆前夫劉鑾雄的新聞時,其中提及一名「羅姓女星」,羅明珠接受訪問時,極力否認這名「羅姓女星」是自己。
關於劉鑾雄與寶詠琴這對過氣夫妻的新聞,近來不絕於耳。寶詠琴日前接受周刊訪問,大爆前夫劉鑾雄的情史,名單包括多位女星,其中寶詠琴提及一位「羅姓女星」。

經朋友介紹
羅明珠前晚負手傷出席假君悅酒店舉行的仁濟晚會。對於報道所指的「羅姓女星」,羅明珠昨日在電話中一聽便頗大反應地問:「邊個話係我先?我自己就唔覺得係寫我啦,唔好係姓羅就話係我先啦。」
但羅明珠坦承認識劉鑾雄與寶詠琴,她說:「我哋係好多年前經朋友介紹嘅,但係已經冇乜來往啦,係見面say聲Hello嗰種交情嘅,唔熟絡㗎。」
羅明珠續說:「我覺得呢排好多是非小人纏身,我𠵱家做緊香薰傳銷生意,你問我呢方面嘅嘢我就答,其他嘅嘢就唔想回應啦!」

香薰贈前夫
另外,羅明珠前夫王培宏早前被控藏毒,結果罪名成立。記者告知羅明珠此事時,她大表愕然說:「吓?真嘅,係咪同名同姓咋?我諗我要打個電話慰問吓佢先,我覺得應該介紹一種有薰衣草香味嘅香薰畀佢用,等佢個人可以relax啲,唔好咁躁啦!」