胡杏兒今晚婚宴星光熠熠，佢同老公Phil一入完場分別同賓客各自social，由於個場太大，兩個行埋一齊時差不多要蹺場一周，杏兒成場行，去到邊都敬酒，全程勁開心笑得好燦爛，一啲疲態都冇。

兩公婆喺場內不斷咁被賓客集郵，不過佢哋見到汪阿姐汪明荃時，就好恭敬咁主動搵佢合照，搞到阿姐有啲尷尬，而呢次婚宴賓客都好斯文，玩得好有禮貌，以往娛樂圈婚宴中有人飲醉爆粗等事都冇發生。

而王祖藍就因為工作姍姍來遲，今晚成11點先到場，仲笑言「唔知係咪淨返乾燒伊麵食」，而與此同時汪明荃就離開喇。