啱啱7點左右，記者就發現尹光同埋老婆，加埋兩個朋友，喺IFC出現，行行下街嘅期間，尹光隻手就污糟咗，當然就要拎紙巾出嚟抺啦，不過尹光唔只用紙巾，仲要用濕紙巾，但就唔係自己拎出嚟，而係由老婆拎，開埋畀佢，抺乾淨之後，尹光就將張污糟嘅濕紙巾畀番老婆，要老婆幫佢掉。

之後佢哋一行就去到威靈頓街搵嘢食，行嗰時老婆都繞住尹光，好鬼恩愛，最後佢哋搵到一間越南餐廳就坐低喺度食嘢。