抹車工人被指於去年12月15日在旺角用雷射筆射向警車，透過玻璃射到車上警員，被控襲警及管有攻擊性武器，案件下午續審。聲稱受到雷射筆襲擊的警員3236繼續作供，自言在警車上被綠色光束射中瞳孔，雖沒有見到被強光照射後的殘影，但否認不適是微不足道、轉瞬即逝，並稱「不適係個人嘅，我覺得係不適」；又指自己不害怕被雷射筆再射眼，「6月至而家都唔驚！唔通唔做嘢、唔開工咩？」

被告林澤光（33歲）否認去年12月15日在旺角雅蘭中心一期外管有一支雷射筆，以及襲擊警長3236。警長3236今午作供指，當日在警車上脫下裝備，「櫈都未坐暖，就有啲光射埋嚟」。他同意案中綠色光束是「隨機揈嚟揈去」，但強調當時只得一個綠色光束，車內沒有開燈。

「我有認清楚，我99.99%確認係佢，除非有魔法換咗佢」

警長又稱發現光束後，花了8至10秒評估形勢，包括現場環境是否安全、是否有把握作出拘捕、對方是否藏有武器傷害他人、有否同黨，以及若對方逃走時自己是否能追截等。他決定下車後，只花了一秒就落地，並跑往追捕涉案灰衫男子。

辯方大狀向他指出，當時人群在車頭約一至兩點鐘方向，但警長在警車左方車門下車並且將視線放回人群之中時，即使有一名男子手持雷射筆，也不能肯定該人就是下車前認出的那人。警長否認下車後認錯人，揚言：「我有認清楚，我99.99%確認係佢，除非有魔法換咗佢，咁我就唔confirm嘞。」他又謂：「如果我評估捉唔到佢嘅話，我不如叫佢走啦，唔好喺度做埋啲犯法嘢。」

「有少少唔舒服，就係唔舒服」

辯方向警長指出，如果光束射中他的雙眼，他根本不能望到光的源頭。警長自言沒有「夾硬去望」該光束，更在庭上以筆尖作示範，指自己被光束「掃中」後移開身軀，沒有特意去望光束。

他又供稱，光束射中他的瞳孔，但沒有印象先射中哪隻眼。辯方問他被照射後有否出現「光暈」、即被強光照射後的殘影，警長稱「未有」，又指「有少少唔舒服，就係唔舒服，睇嘢……到而家都OK」。他又指被射後沒有檢查視力，「冇再特別check近視遠視對焦嗰啲，望返啲嘢都係喺度，即係冇嘢啦」。

「我覺得係不適，你冇得假設唔係不適」

辯方向他指出，即使有射中眼，亦只如望向太陽一樣，「一陣就冇事，談不上不適，就算不適都係微不足道，轉瞬即逝」。警長回應稱：「不適係個人嘅，我覺得係不適，你冇得假設唔係不適。」惟警長其後承認，在追截過程中眼部沒有不適。

辯方又問，警長下車追截時沒有戴回裝備保護雙眼，質疑：「唔驚畀佢用雷射筆照你眼咩？」警長回應謂：「有咩好驚呀？6月至而家都唔驚！」辯方大狀此時稱：「你都好好鬥志喎！」警長回應：「唔關事，只係（其他警員）想拉人拉唔到。」又謂：「冇得驚啦，唔通唔做嘢、唔開工咩？」

「我係一個有階級嘅人，如果有人對佢有不合理武力，我係要阻止嘅」

辯方大狀又問警長是否曾向上級建議增加裝備保護雙眼，警長向辯方大狀謂：「咁要靠你啦！」大狀反問：「關我咩事？我問緊你喎。」警長遂向裁判官質疑問題與案件有何關係，裁判官則提醒他需要回答辯方問題。

警長供稱，自拘捕被告到在警署錄口供，一直「緊盯住佢、唔好畀佢甩」。他聲稱沒有見過有防暴警將被告按在警車地面，也沒有見過有人以拳頭打被告的頭，更加沒有被告眼鏡垂至下巴時遭兩名警員分別用電筒近距離照左眼5分鐘的情況。警長稱：「佢係我拉嘅，除咗要保障佢嘅安全，因為我係一個有階級嘅人，如果有人對佢有不合理武力，我係要阻止嘅，我係要保障佢福利嘅人員，就係咁嘞。」

警長3236作供完畢，控方明日將會傳召雷射裝置專家證人作供，聆訊明續。

【案件編號：WKCC4604/19】

記者 袁楚楚

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新