一直默默支持愛女嘅陳爸爸噚日陪住囡囡,Christina唔單止遊行,仲推住架車幫民陣籌款,去到波斯富街又幫民間電台做呼籲同為遊行人士打氣,十分熱心。Christina開咪之際,民間電台發現有三部攝錄機擺喺對面街「監視」,阿牛話相信係電訊管理局人員所為。
Christina早前被澳門政府拒絕入境,澳洲之行泡湯,蝕埋張5,000蚊買嘅機票,向航空公司追討,只係獲退款68蚊,勁無奈。Christina今年畢業,已有兩個碩士課程收佢,佢想繼續讀哲學,原因同衣着有關,因為讀政治要修公共行政,成日要着套裝返學,唔係咁啱佢,不過佢話會選讀有關政治嘅哲學課題,好似legalmoralism咁。