澳門酒店:濠江浪漫之旅
享歐陸式二人世界(2)
3:00pm第四站
文華歎4手按摩
食飽飯後,最好去鬆弛身心,文華東方酒店內的水療中心,有個「東方怡情」嘅4手按摩療程,由兩個技師專誠侍候客人。療程中按摩師會先替客人按腳鬆弛,接住進行全身磨砂、4手推油按摩,然後可另加$100可選擇30分鐘玫瑰花瓣浸浴。完畢後,酒店還有健康泰式美食,如椰汁棱豆莢蝦沙律、紫蘇葉青胡椒粒炒龍蝦,直情滿足晒心靈和口腹慾望。
「東方怡情」4手按摩療程
澳門幣$1,685元(1hr50mins)
玫瑰花瓣浸浴(30mins)
平日:澳門幣100元
假日或周末:澳門幣200元
地址:友誼大馬路956-1110號
永利嘅音樂表演湖每隔15分鐘就進行一次表演,有時仲會配合埋噴火表演,於每晚6點時亮燈。配合夕陽下山的黃昏情景,情人們感覺份外浪漫。睇完表演湖,可順道到永利咖啡苑吃自助餐,嗰度嘅自助餐出名多選擇,經常爆滿,要食就須一早訂位。自助餐平日主題為各國美食,每到星期六、日,就會以海鮮做主題,好似隻隻由法國、美國入口嘅生蠔就一定要試。
自助晚餐成人價︰
港幣$305.8(星期一至五)
$360.8(星期六、日)
●星期六、日以海鮮為主題,美國同法國入口嘅生蠔係必食之選。
食完晚飯,如果有興致嘅,可以到葡京新故里嚐清酒,那兒內藏清酒種類係全澳門最多,有部份更連香港都冇。青酒中最高級嘅大吟釀,佢哋有25種,如花薰光因果味重,好受女仔歡迎,價錢要2,000澳門幣,街價約售3,000元左右。可以再加上一兩碟日式小食如天婦羅送酒,實是人生一大快事。
地址:葡京路2-4號
m.想以清酒、日本料理做消夜,一定要到葡京新故里。
●男山純米(澳門幣950元)系列同梅錦(750元)屬大吟釀級,中間的誕生祝(3,800元)係慶祝小朋友出世時飲。
澳門酒店越開越多,今次就介紹多間名牌酒店房間畀大家,當中各有特色,要豪、要新,還是要靜,任君選擇。為咗吸引住客,很多酒店都推出特色套房或優惠,至於酒店房間的價錢,均為採訪當日所得的建議房價,所以若想訂房,最好打酒店的訂房熱線以核實價錢。
澳門漁人碼頭在上年12月開咗一間特色酒店名萊斯酒店,佢樓高5層,共72間房間,全部大賣18世紀維多利亞式建築設計,向海景觀可以話滿分。例如一個雙客房套房,室內裝修充滿歐陸風味,每邊客房都有露台面向海景或漁人碼頭。此外,房內的小浴缸就更可愛,女友話︰「一直幻想喺呢類浴缸浸泡泡浴好耐。」講多少少你知,浴缸上面個窗一開,隔籬就已經係睡房,認真抵死。
●酒店以維多利亞式建築設計,無論窗簾布或小露台都令你恍如置身歐洲。
●呢條樓梯係咪令你想起以前歐洲有錢人的大宅和舞會呢?
雙客房套房每晚$6,660
免費訂房熱線︰800962853(香港)
網址︰www.rockshotel.com.mo
星際剛在3月推出的「星際套房」,雖然佢唔係全酒店最貴的房間,但室內裝修、空間、景觀都已經達總統套房級水平,全房面積達1,500平方呎,家具都係度身訂做,由美國著名室內設計師LRF所設計,單係裝修費都要$7,500,000。而最特別的地方係睡房,隔籬就係浴室,且全冇任何遮掩,係專為情侶而設。
●客廳已經好有氣派、好寬闊,$6,800一晚果然不同凡響。
星際套房每晚港幣$6,800
訂房熱線︰(853)28781111
網址︰www.starworldmacau.com
人稱法老王,係商務旅客愛入住嘅酒店。今個月佢有新搞作,凡入住置地廣場酒店,即使普通客房都有$888現金回贈。當中$388可以即時用於酒店範圍內所有餐廳,其餘$500就可在4至6月期間,作下次訂房時使用,非常適合經常到澳門玩或公幹的朋友。
●$388現金回贈食到幾多嘢?喺怡心閣可以食到非洲雞、蒜蓉大蝦、香醋沙甸魚和葡國蛋絲。
●怡心閣香醋沙甸魚仔,正宗葡國風味,價錢澳門幣45元。
標準套房每晚港幣$3,080
免費訂房熱線︰800967205(香港)
網址︰www.landmarkhotel.com.mo
要介紹永利酒店的房間,就不能不提永利專為情侶而設嘅「他」與「她」的浴室。其實意思係指一房內有兩個不同設計的浴室,一男一女,女士那邊的浴室像睡房一樣有化妝枱,更有水力按摩浴缸。而男士一邊則設企缸花灑浴,此刻係咪覺得男女唔平等呢?
●只要輕觸床邊呢個屏幕,42吋LCD電視便慢慢從床尾升上嚟。
●房內插上玫瑰花,還有專人定時更換,務求新鮮清香。
兩房式湖景套房每晚$30,000
訂房熱線︰(853)9869966
網址︰wynnmacau.com