方丈呢排真係好忙,美國百變樂壇天后LadyGaGa噚晚喺美國會見西藏精神領袖達賴喇嘛,仲明目張膽喺facebook搞直播,今日中宣部等部門反應迅速下達封殺令,要求內地所有傳媒同網站即時停止播放同上載LadyGaGa嘅作品。(相關新聞: http://bit.ly/28Vdw0r )
敢作敢為嘅天后級人馬唔只LadyGaGa一個,美國樂壇天后麥當娜(Madonna)2009年開巡迴演唱會就試過諷刺內地政府,娜姐喺演唱會上播出象徵「邪惡」嘅片段,之後輪流出現希特拉同時任國家總理溫家寶嘅頭像,片段當仲有一啲西藏喇嘛被打壓嘅片段,擺到明同情藏人,之後內地網民忍唔住發火,鬧娜姐係狗。
今年初娜姐再舉行世界巡唱,亞洲站有去過香港、台灣同澳門,惟獨冇喺內地開騷,擺到明唔妥內地政府。娜姐喺台北開騷之前,仲喺Instagram貼咗張相寫住「台北市」,結果又發展成另一個戰場,有中國網民話「IloveMadonna.butIlovechina,反對台獨。」仲有人寸話:「一國兩制就是為你們準備的!」