當年今日
關於我們

馮仁昭四圍超:馬德鐘自認乖仔狂擦TVB鞋

蘋果日報 2006/12/04 00:00


早前俾雜誌影到背妻偷食,同圈外女友去泰國玩嘅馬德鐘,噚日以職業健康大使身份聯同歌手謝安琪、林子萱、關楚耀等,喺奧海城出席活動,馬德鐘示範正確坐姿。有傳馬德鐘俾緋聞拖累影響形象,本來佢佔好多戲嘅劇集《歲月風雲》因而被減戲份。
馬德鐘噚日好避忌猛話私人問題唔多講,記者話驚佢成為雙失人士,失業兼失戀,佢死撐話事件對自己冇乜影響,佢話:「唔知喎,有時啲嘢控制唔到。好彩一直都有工作,另一面(感情生活)都冇失。」其間佢為咗向TVB擦鞋,猛咁宣傳18號有新劇《爭霸》首播。
向樂易玲求饒
發生咁大件事,馬德鐘話有同高層樂易玲求饒補鑊,佢話:「一路有冇事都同公司有溝通,公司一直畀好多機會我,我一直都咁乖。」問佢太太同個仔有冇問起佢嘅偷食事件,馬德鐘就話𠵱家科技先進,喺外地應該睇到報道,但就唔願多講。偷食斷正都仲話自己一直好乖,呢啲咁嘅說話係佢咁厚面皮先講得出。
empty
同馬德鐘去泰國嘅圈外女友,之前喺香港都被影過佢哋去蒲。
《忽然1周》圖片
empty
仲有fans搵馬德鐘簽名,佢應該好感激。
empty
林子萱噚日出席職業健康嘉年華,玩遊戲時仲好投入㖭。