【本報訊】「我好後悔點解咁遲先做義工。」每年維園六四集會Candy(圖)幾乎從不缺席,近年更幫支聯會做義工,集會前正忙於剪燭光紙杯。她今年58歲,剛榮升外婆,有個6個月大的男孫, 眼見越來越少人願意為六四站出來,為了下一代,她說更加要繼續堅持,「第時BB(孫兒)識行,我都會帶佢嚟,將八九民運嘅歷史真真實實講畀佢聽,唔好畀人歪曲事實」。
六四民運時,Candy是家庭主婦,在家邊做手作,邊看電視機播出天安門熄燈繼而屠城,「睇見個心實晒」;那年她拖着長女背着幼女上街,「直到𠵱家呢件事擺唔底,除非中國政府真係面對世界,將民權同民主開放,畀番一個公道死難者,我諗呢啲係全世界中國人或者全世界人先會釋懷」。