張新悅婚後男性絕緣 與森美飾夫妻餵食感尷尬
張新悅森美FreshLife
森美和張新悅今日到校園出席全城有機日宣傳活動,2人早前為活動拍攝宣傳片飾演夫妻,張新悅還和男子組合FreshLife合作唱主題曲《簡簡單單原來很快樂》,是她闊別娛樂圈20年後重操故業,張新悅說:「最初都唔慣,要調教心態,想成熟女人姿態感覺,但唱出來把聲都係太後生。」森美讚張新悅凍齡,和以前拍電影時一樣沒變化。
一連唱歌拍短片過足癮,會否復出?張新悅說:「要睇吓有冇人搵先,又要睇老公批唔批准,佢心情一時時,因為平時佢講嘢多過我,好煩,亦好少機會聽我唱歌,我應該圍住佢唱多啲煩住佢。」今次夥拍4人男子組合及森美上陣,她笑說:「離開娛樂圈之後都冇接觸其他男人,突然多咗4個仔,個年齡我生得佢哋出,又多咗個老公,拍片有一幕要餵森美食嘢覺得好尷尬。」
張燊悅為4女之母,她認為家中可以組成小樂團,而森美日常則會一家人夾band,他擔任主音,笑言:「鄰居聽到好開心,可以投訴嗰隻。」2人有共同飲食話題,為家人健康着想早已吃有機食物,特別蔬菜類會找農夫訂購。
-----------------------------
-----------------------------