【賭馬講呢啲】出自強組第三名 試妥谷閘「好好學習」（妙瞳）
蘋果日報 2019/11/25 22:25
何澤堯谷閘妙瞳賭馬講呢啲好好學習強組第三名
好好學習（左）曾在9月20日輕勝1000米谷閘
上周末（23日）賽後，很想看看競賽小組對於潘頓騎熱倒的「天意」由轉彎起的騎法怎樣描述。
一如賽後報告所言，「天意」直路在兩駒之間食正三文治騎唔到。
或許純粹個人睇法，轉彎中段「天意」可以順勢向外移，外側的馬只會被連消帶打飛得更出，這樣便可免卻其後在「特駒聯盟」及「正本開心」的隙縫中等有空位。
就當睇錯，其實潘頓轉彎很難向外移出，不過「天意」食完三文治後，「特駒聯盟」及「正本開心」其後向左右散開，根本一路直走順騎就得，贏一定無份，跑三、四名卻有餐士。
但潘頓就選擇向外移出跟馬尾，拉士無甚推送也以勁勢壓線，所以「天意」熱門跑到沒有任何派彩，其實並非「天意」！
之前也提過，潘頓是一個明顯以頭馬為本騎師，其實以香港龐大彩池，跑二至四名對馬迷同樣重要，亦懇請競賽小組幫忙提提潘頓。
相比下去，何澤堯就算是「全天候拼搏」，無論頭馬在望抑或只屬位置之爭，長期騎足100分，本身近三戰取得六Win，手風亦順。
今次（27日）谷草尾場三班1200米，「好好學習」初出跑三班田草直路賽強組得季軍，頭五名中有三駒再出已贏。
本身上次賽前曾試谷閘並輕取對手，周三夥拍何澤堯首次渡江出戰，有力打破悶局。
第二場四班1200米，「勁瀟灑」上仗配何澤堯谷草1200米跑第三，進度重納正軌，今趟捲土重來，有力提升名次。