今朝韋達如常到馬場操馬，其中騎者首匹出試馬是周日戰馬「爪皇烈焰」，可見這位十三屆冠軍騎師心中有馬。睇番最近，同屬「爪皇」系「爪皇怒土」早前已離開時廐，轉至賢廐。今次霍利時搵來同鄉韋達幫手，睇怕都係想以贏馬，來攬實這位忠實支持者。查賽績，出爭第六場四班1200米的「爪皇烈焰」，上仗初跑四班賽即取得來港後首度上名，證明在此班夠爭，今仗轉戰長直路的田草賽事，必更合發揮；加上續由在港唯一上名的韋達操刀，今回有力贏回一仗。