當年今日
關於我們

【七警判刑】陳恒鑌嘆重判叫警察勿灰心 長毛:建制派照鏡先啦

蘋果日報 2017/02/17 13:31

七警判刑

【新增短片】
七警各被判囚2年,民建聯陳恒鑌指自己whatsapp「收到爆哂」,聲言不少市民對判決的反應是「點解會咁架?」他說:「相信老百姓心裏面有把呎會喺度……有啲人可能有少少衝動,結果就被重判。」他希望全港警察「唔好灰心」,「市民係企喺你哋嗰邊」,臨結束發言時,又呼籲公眾深思今次判案,「警察,我地支持你」。
社民連「長毛」梁國雄則指,外國若出現警員鎖起市民毆打,「法庭唔使判,已經要道歉」,強調任何有公權力執法人員拘捕人後繼續毆打「係絕對不能容忍」,呼籲「唔該講嘢的建制派照吓鏡先啦」。
本身是律師的民建聯議員周浩鼎則批評,法官判刑「太重」,指過去案例,襲擊引致他人身體傷害,最輕可判服務令,很多亦只判兩、三星期或兩、三個月,「同兩年判刑係有一個比較大的距離」。
周浩鼎又指,知道法官有考慮七警「知法犯法」的因素,相信七警會作出上訴,又指判決令公眾產生觀感,「乜嘢觀感呢?就係掟磚涉事的年青犯人,判的係感化令」。他認為警員執行任務時面對很大精神壓力,指今次判決後,警方可能根據警隊條例,對七警跟進處分,有人可能被革職,「退休金同長俸都無埋,相信佢哋當時衝動做咗唔應該的事,可能毀咗佢哋、佢哋家人一生」。他又指接受外界批評自己上述發言是「不尊重法治」。
【七警案事件簿】 http://bit.ly/7_cops