【拆局】
廣東省公安廳突通知港警，指銅鑼灣書店3失蹤職員呂波、張志平及林榮基涉銅鑼灣書店股東桂民海案，在內地從事違法活動被強制審查，有關消息令不少政界人士感意外，認為北京開始採取強硬手法「拆彈」，「先將3個冇外國政府出聲、家屬、港人冇嘈得咁緊要嘅職員定性做罪犯先，下一步就處置『共犯』桂民海，最後就係李波」。

「李波有排返唔到香港」

該政界人士分析，雖然港人關注李波事件，但從北京將3名失蹤職員定性從事違法活動，「明顯北京採取強硬拆彈方法，就係唔理香港、國際社會反彈，都要將涉事人士定性係罪犯、係有罪」。而先由3名失蹤職員入手，主要是他們並無外國國籍，亦不涉越境捉人，「先解決較易處理嘅問題、之後處理桂民海、李波就容易」。
他說按目前分析，公安既指3人涉桂在內地違法活動，「按大陸一貫做法，下一步就係由3人認罪並揭發桂民海罪行，咁3人可以輕判、亦可以入埋桂民海罪」。而李波因涉香港及越境拉人，或會最後處理，亦不排除會被指涉及桂案，「最終要睇外國政府同港人，會唔會繼續追究北京越境拉人、破壞一國兩制，但可以肯定，李波有排返唔到香港」。
■記者莫劍弦