列陣下周一（下月1日）元旦沙田日賽的姚本輝馬房五班馬「飛雲寶」，今晨（28日）早上由騎師李寶利策騎與廐侶「鼓浪飛星」往大跑道拍跳800米。「鼓浪飛星」先放，「飛雲寶」未段稍鬆韁繩即撲上，走來情緒集中，步頭有勁，鬥心湧現。

呢匹質新馬上仗跑谷草1650米首度上名得第二，四歲仔剛踏升軌，現階段更趨成熟進步，已非吳下阿蒙。

講到動態，騎者李寶利甫到場，即搵掌舵人輝哥在沙圈飛機坪欄杆傾偈，一邊談一邊睇馬匹踱步熱身。

約十多分鐘左右，到了人馬跳過終點後，返沙圈時騎、練會合又再咬耳仔一輪，對一匹評25分五班馬如斯重視，似乎有計值得跟進。