林欣彤、夏紹聲同鄭俊弘等，今晚錄影節目《流行經典50年》做嘉賓。主持之一嘅家燕姐（薛家燕），唔知係咪忙於籌備11月嘅演唱會，呢排佢都好忙，佢透露可能呢兩日工作太忙碌，搞到右腿盆骨與大腿間感到痛楚，現場見佢需要人扶實行，佢話忙完工作之後會再睇醫生。

講到大女石祐珊，同家燕姐同病相憐，因為操勞過度搞到貧血，日前完成工作之後，阿珊入咗醫院治療同輸血，令家燕姐擔心個女，搞到失眠。家燕姐叮嚀個女要好好休息，同埋提醒自己唔好太操勞，要注意身體。

此外同樣病到氣若游絲嘅林欣彤，原來佢因為聲帶勞損，醫生話佢要三個月時間先至可以康復，依家佢不論講嘢定唱歌都要就住就住，佢希望盡快復原，趕得及12月舉行演唱會。講到老闆娘李亞男宣佈陀B女，佢恭喜王生王太之外，佢話BB似爸爸王祖藍咁聰明，似媽媽咁靚就好。

精選娛聞，喺晒《娛果》
http://fb.com/appledailyent