通常大家睇親電視都會鬧，點解個女主角明明三更半夜紮醒幫男主角煮麵，但個樣總係化晒妝，眼線眼睫毛全部一清二楚。有啲劇更離奇，明明女角話病，但一樣搽晒胭脂，嘴唇紅卜卜，分分鐘佢個病look仲精靈過你。

但原來現實中，確係會發生咁嘅事。今次主角，係曾經唔小心嗌人RestInPiece嘅連詩雅。噚晚佢喺社交網貼咗應該係selfie嘅床照，慘豬咁話:「為咗唔想傳染比媽咪，我不敢離開我房間....出房門在家也會帶(戴)口罩，病菌真的很厲害，所以我要快點準備睡，快快好起來，太多的事等著我去做……」

其實呢，噚晚連詩雅去咗荃灣公園演出，天氣咁凍，仲著短袖，想唔病都幾難。望望連詩雅呢張瘁病容相，化晒濃妝，戴大眼仔，口罩唔見，一臉苦楚……應該就係完騷後返屋企冇落妝。咁可能當時連詩雅真係好唔舒服，連卸妝嘅氣力都冇了…

不過好多網民同健吾一樣，唔知前文後理(佢今晚喺荃灣吹親)，九秒九見到張相，即cap亦轉發，仲話:「飲飲下水噴到成個mon都係。祝早日康復啦下。」之後再衰衰咁開個新status話:「我覺得『不敢離開我的房門.jpg』很快就會成為Fbcomment十大。」

陰功豬——連詩雅，好好休息啦，瞓醒記得落妝呀，唔係就好傷皮膚0架!