【來互相傷害吧!】曾樂彤手執許靖韻偷食證據 李靖筠被爆諗過豐胸
許靖韻李靖筠曾樂彤
許靖韻、曾樂彤和李靖筠今日到新城宣傳,她們為電台節目擔任主持,許靖韻笑言:「我哋要做6集,好大穫。」曾樂彤指三人都是「講嘢底」,每次聚頭都很嘈吵:「我哋仲互相掌握對方啲痛腳,我最多許靖韻啲片,我影過佢偷食。」說罷她即解釋是許靖韻偷吃月餅、飲珍珠奶茶的片:「因為佢呢排出咗碟要宣傳,所以一定唔可以食咁多啦,佢今晚仲去BBQ添呀。」
至於新加盟英皇的李靖筠,自言本身沒甚麼秘密,隨即被許靖韻踢爆她想豐胸:「真係冇諗過佢會咁諗。」李靖筠透露曾以按摩、矯型內衣等豐胸:「我食過豐胸糖,初初好似好少少,但之後又冇返。」
問到曾樂彤可會與她們分享情史?她說:「冇啦,冇咩分享。」早前她被拍得與大隻男外出,曾樂彤說:「嗰個係我中學師弟兼攝影師,冇嘢呀,佢都話影得佢好瘦。」至於男友游學修看報道後可有微言?曾樂彤表示平時很少外出,出街只為工作,所以沒有特別交代:「我好驚自己講錯嘢,我成日都講錯嘢,都係唔好問我咁多啦。」
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港
(左起)曾樂彤、許靖韻和李靖筠一齊主持節目,曾樂彤早前被影到與大隻男外出,面露尷尬神色。