綜合格鬥比賽一向都打到嘭嘭聲，不時都有選手俾人壓喺八角籠中狂打，又或者俾人鎖喉搞到郁唔到，但係女選手俾人打到bra top移位導致露點，觀眾就可能少見啲喇。

34歲嘅麥雅娜（Angela Magana）最近六年都冇贏過，而佢喺上星期舉行嘅《UFC 218》亦一面倒處於劣勢，佢喺第一回合俾26歲嘅古柏（Amanda Cooper）壓喺身上狂攻搞到bra top移位，裁判彼德遜（Keith Peterson）即刻暫停比賽，畀麥雅娜整理一吓，而UFC重播時亦將15秒相關片段刪走，避免觀眾睇到佢走光。

麥雅娜喺第二回合就俾古柏技術性擊倒，但佢賽後就突然賴裁判暫停比賽，令自己表現為到影響：「男將可以打到就快死，裁判先停止比賽。或者我喺行入籠之前，要塞條蕉落褲入面，避免裁判亂咁暫停比賽。」不過古柏就嗌麥雅娜唔好為自己嘅失敗搵藉口：「我真係唔明點解佢可以輸咁多次，加上近兩年都冇比賽，仲相信自己係最強嘅選手，我諗佢真係得把口勁。」

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM