【愛的呼喚】同楷楷蜜遊新加坡後 冧爆郭嘉文:被想念的感覺真好
李澤楷郭嘉文
15年港姐季軍郭嘉文,自從做咗「楷女郎」,就專心做跟得女友,而且同楷楷愛得高調,上個月先俾《蘋果》影到陪男友李澤楷到香港木球會,日前二人又飛去新加坡旅行,等馬路期間,郭嘉文仲化身樹熊向李澤楷撒嬌,煙韌到暈。(新聞連結: http://bit.ly/2rueYA3 )
蜜遊完嘅郭嘉文,今日就喺Ig貼相,抱住隻貓咪埋貓一副冧樣嘅佢,仲留言話:「被想念的感覺真好,I miss you so。」唔知佢係想同貓咪講,抑或同男友講呢。
雖然今年3月,郭嘉文以個人名義,以1.068億,買入九龍塘逸瓏天池屋(新聞連結: http://bit.ly/2pzUSVv ),不過睇今日郭嘉文貼嘅相,背景似乎仲係佢同屋企人住緊嘅馬鞍山屋苑。唔知係咪新屋要花時間裝修,所以郭嘉文仲住喺舊屋呢!亦可能佢返咗「娘家」探望貓貓啊!
郭嘉文今日喺ig貼圖,抱住貓貓話被想念的感覺真好。(ig圖片/資料圖片)
之前有讀者爆料話見到佢同李澤楷去咗新加坡旅行。(資料圖片)
上個月就俾《蘋果》影到陪男友李澤楷到香港木球會。(資料圖片)